Lapolis Nasyonal d Ayiti (PNH), atravè Direksyon Depatmantal Sant (DDC) anonse li arete 6 fo houngan, lendi 17 fevriye 2025 la, ki t ap koupe kou dyaspora a nan fòse li peye gwo sòm lajan.
Fo houngan sa yo Lapolis arete a se : Dorvil Jackson, Merilan Jephté, Luvenson Orelien, Frantz Catilus, Saintil Renald ak Louis Ricardo. Yo genyen ant 19 a 27 an.
Mesye sa yo te fè tèt yo pase pou prèt vodou epi yo t ap fòse moun k ap viv nan dyaspora a pou vèse gwo sòm lajan ba yo, daprè presizyon PNH.
Pou kounye a, fo houngan sa yo plase nan gadavi annatandan lajistis deside sou ka yo.
